عيد الروتين

****

علي مين ياخلق

أجيب اللوم

بعد حصولي علي الدبلوم

قاعد عاطل . . كلي هموم

ع الشغل بدور

يوم ورا يوم

أروح لموظف

أدفع له . . وأروح لغيره

وأركع له . . واقدم ورقي

وأسمع له

أروح الاقيه قاعد منفوش

يعوج ويعدل . . ف الطربوش

يأمر وينهي ولا يهموش

عبد الروتين

حوش حلق حوش

فضلت ف الدوخه يوماتي

أبوس أيديه . . وأهديه سلاماتي

أروح لمين أشكي مأساتي

كأني يا ناس

مع نفسي بهاتي

أقول سعاده البيه

يا أمير

أبويا غلبان

وأخواتي كثير

رد علي وقال

يا فقير

سيبهم ليهم . . رب كبير

دلوني ياخلق

راح أعمل إيه

ومفيش ف جيبي

حتي جنيه

طالب كوسه

سعاده البيه

مع إنه . .

دندن أسم الله

أسم الله عليه . .

 

******