خطوه قدم **** خطوه قدم حاضنه الطريق من أوله متكلفته بشال البراءه بتعدله بتغطي بيه كل اللي باين منها من جلدها حتي معالم وشها بتخاف لا تظهر حسنها والأرض غنت تحتها لحن عصفوري الكناري والنخل يرقص جنبها ويهز طوله ف العلالي والبحر لما تعدي جنبه يهدي موجه ويبتسم والشمس لما تشوف ضياها من كسوفها خطوه قدم . . خطوه قدم فيها الندم متبرجله تايهه ف طريق مفروش بشوك البرجله والمساله ان القدم كانت بتحلم زينا حلم البراءه والطفوله والحلم مسروق مننا والحلم مسروق مننا . ******
