عاشق سمرا

****

ياست الكل ياسمرا

قوليلي . . .

قوليلي مين زيك

كل النجوم حبتك

لما ظهر ضيك

يالابسه توب الفرح

مغزول ومتشبك

يا أللي الفؤاد أحتار

ياسمره من وصفك

قلبك الأبيض

رسم بياضه فوق رسمك

من قبل ما أنطق ياسمره

قلبي كتب أسمك

يابنت الناس الطيبين

والكرم أصلك

يا أم العيون السود

عنقود سمار الليل يابندريه . وأسيوطيه

يابنت نهر النيل

في جمال عنيكي

ح اكتب وأقول مواويل

عاشقك جميله وسمره

بطبع جميل

وحياه جمال النبي

ياسمره أنا ليكي

من قلبي باكتب علي الورق

بالشوق أغانيكي

وأسهر ليالي مع طيفك أناجيكي

ومهما طالت غربتي والدنيا عرتني

راجع ياسمره أنا

أتغطي بعنيكي .

 

******