رساله من الشيماء

*****

من قلب الجنه انا بكتب لك

أول جواباتي

وحشني يا بابا

أنت وماما

وحشني أخواتي

ووحشني الفصل ومدرستي

والشارع والبيت والحاره

وحشني جيراني وأصحابي

وعروستي اللعبه وكتباتي

طمني يا بابا عن حالك

بقي زي زمان

أما عن حالي

أنا مبسوطه

في جنه رضوان

والكل يا بابا حبوني

وبقيت م الحور

وانا قلت أكتب لك

بمناسبه شهر القرأن

ومنايا يا بابا أنت وماما

في يوم العيد

تروح علي قبري وتدعيلي

وبلبس جديد

وتقول شيماء مامتتشي

دي شهيده يا ناس

ومنايا يا بابا

تكن زي . .

وتجيلي شهيد .

 

*****