عمك زٓعلك عايز يشبك
بنت بنوت اسمها طنطيطه
وأمها رافضه عشان متجوز
قاموا قالولها ده عضو المجلس
لو ترفضي راح تبقي عبيطه
................
عمك زٓعلك كان في المجلس
كل وظيفته إنه يروح يجلس
قاعد دوره وراها التانيه
عمر لسانه في مره ما ينبس
...............
قبل الشبكه كده بكام ليله
عملتله طنطيطه هوليله
ليه في التْلفْزيون ما تجيشي
زي ما شوفنا الحاج دغيشي ¿
...............
عمك زٓعلك راح ع المجلس
لزما حتما لازم أتربس
وهقول لأه وهعمل زيطه
عشان طنطيطه تكون مبسوطه
...............
ولما اتنفخ البيه المتهيُأ
كله كان بى (الأه) متهيُأ
لكن زٓعلك قام قال لأه
بس المخرج قطع اللقطه
وأهو زٓعلك بعد ما راح يشبك
ولا منه اتمتع بالشبكه
ولا شاف حتي الدوره التالته