في يوم عيدك يا أغلي الناس بهاديكي
وأي هديه يا أمي تليق بيكي
وأي كلام حيوصف حبي ياغاليه
قصايد الدنيا يا أمي متكفيكي
þ¤¤¤¤¤¤¤
يابسمه عمري في سفري وترحالي
يا أجمل صوره دايما تيجي علي بالي
بتقسي الدنيا يا أمي ومابتقسيش
وحتي لو إنت مش راضيه علي حالي
þ¤¤¤¤¤¤¤¤
يا نبع من الحنان مليان علي الأخر
ياقلب شال الهم صبره مالوش أخر
ياسلسبيل الخير ويا نبض كل حياه
طالب النجاه والرضا والصفح في الأخر
þ¤¤¤¤¤¤¤
لا كان من طبعك القسوه ولا هيكون
وكيف يقسي فؤاد أصلا بطبعه حنون
علي حسك بعيش في الدنيا ياغاليه
ويوصلني دعاكي يا أمي فين مابكون
þ¤¤¤¤¤¤¤
أنا الطامع في جنه تحت أقدامك
أنا الطامع أكون طول عمري خدامك
أنا الطامع أكون لك زي ما كنتي
شعاع من نور ينور كل أيامك