في حرب جوايا
موش قادر اتكلم
الدمعه ساكناني
والبسمه بتسلم
الحزن له ولاده
والفرح متيتم
سؤالي بقي عاده
مع مين راح اتكلم ¿
سؤالي دا حير
ملاين بتتألم
لا كبير ولا صغير
له نفس يتكلم
ومين يشيل همي
دي الدنيا بتعلم
نفسي وري نفسي
والباقي ع حظه يبكي ويتندم
***
اعذروني يا اخونا
احساسي دا موش يأس
بس الزمن غير
الناس مبقتش تحس
الناس بقت غاويه
الفرحه ويا الرقص
لكن الحزين توبه
الغم ويا النحس
سمحوني يا اصحابي
كلامي دا يتحس
احاسيس تزعلكم
وممكن تقولولي اخس
هي الحقيقه تقيله
توجع ف الناس بس
يا بخت من بكاني
ونصحني و حس
ولا ضحكني في ليله
اصبح بايت ف الحبس
