السلم والتعبان

سلم والرقص عليه غايه
    و
تعبان متخفي في مرايا
    و
فريسه سهله من الموهوبين
    و
الف قصه وحكايه

وحكايتي واحده من البنات
عشقت حياه الفنانات
وزي كتير م المعجبين
حلمت تكون ع البوسترات

وفي صدفه واحد ف المليون
لما تحصل ياعاقل و مجنون
خبطت في واحد من المنتجين
جو مسرح البالون

قالت البنت اسفه مكنش قصدي
انا بس كنت من جنبك بعدي
رد المنتج انا م المحظوظين
وف الكلام بقي ياخد ويدي

انا المنتج فلان الفلاني
واسمي وسمعتي وكياني
صانع كتير من الفنانين
بنتج مصري وهندي واللماني

انا بعلن اعجابي
بوجه سينمائي
وخصر يغلب ملاين
وسحر شبابي

وقال كلام بان فيه اعجابه
وان الفن مستعد يفتح ابوابه
وسالها رايك ايه يا ست الحلوين
غاويه الفن واصحابه

صحبتنا طبعا ما صدقت
ابواب الفن اتفتحت
هتبقي م المشهورين
واحلامها ف عنيها اتحققت

قالها دا كرتي وتلفوناتي
مستني رنه يا حياتي
يا نجمه الملاين
يا بطله الاتي

اتصلت بطلتنا الجايه
علي 012448300
لقت النمره في عداد المشغولين
يا عنيا

وبعد محوله والتانيه والتالته
فتح الخط وردت واحده
قالت الو نعم   مين
قالها المنتج هو انتي موش عارفه

دي نجمتنا الجميله
ونجمه كل ليله
صاحب اجمل عنين
ولا الف ليله وليله

الو يا برنسيسه
يا اجمل م السفيره عزيزه
اؤمري وامرك رح يكون
وعملها البحر طحينه

راحت صحبتنا تمضي العقود
من غير ما تقري حتي البنود
زي العمي والمجانين
ودا طبعا شيء عندنا معهود

وفي تاني ليله في تاني يوم
وسط الاساور وسط الهدوم
صحبتنا كت م الغرقنين
جوه النعيم موش ف الهموم

ايشي ماكير وايشي لبيسه
ورانيا وهدي ومديحه
والشعر مسكوه الصباغين
قدام المرايا ,التسريحه

والدنيا بقت اخر تمام
صحبتنا حست باهتمام
ما هيه نجمه الموجودين
لازم تشوف الاحترام

واول بروفه بين الناس
ويا عيني ع الى احساس
كميرات كتير وناس ملمومين
تقولش لقو حته ماس

صحبتنا فرحت كتير بالجو
وبدات الحياه ف عنيها تحلو
الناس ملمومين شمال ويمين
والموسيقه شغال يا لا للي واه يا للي ولو

وبعد كام فيلم ومسرحيه
و برنامج ولقائات فرديه
الناس بيها بقو فرحانين
وبقت نجمه عالميه

وفي سهره بعد ما عدت سنه
ومكنش في غيرهم هنا
صحبنا حاول يمسك الى .. الادين
ويبوسها في خدها

صرخت وقالت مالك
هو انت موش فايق لحالك
قالها دايب وم المغرمين
قالت امك علي ابوك وخالك

صحبنا بص وكشر بسرعه
بتشتميني يا فاجره
هو انتي نسيتي اانا ابقي مين
واتاريه محضر مفجأه

العقود الي مضتيها
من غير حتي ما تقريها
عقود لعام الفين ومتين
تحبي تشوفيها

صحبتنا الصدمه هدتها
وقالت يارتني قرتها
دول كانو اسود عقدين
وبكت كتير علي حصرتها

قالها رايك ايه يا ست هانم
هتيجي بالزوق ولا زي البهايم
هو انتي هتلاقي زي مين
انا بجد موش فاهم

قالت صحيح انك شيطان
زيك زي التعبان
طلعتني سلم الموهومين
حسبي فيك الرحمن