************************** يالي عنيكي سر جمالك .. يالي النظره سحر دلالك رسمك وصفك راحه بالك ..يطمنو قلبي ليل ونهار ************************** نفسي تحسي في يوم بهوايا .. نفسي في مره تكوني معايا حبك هنا ساكن جوايا ..يا شمس حياتي واحلي نهار امتي تحسي امتي تفوقي .. امتي لطعم الحب تدوقي قبل القلب ما ييأس قولي ..قلبي انا حبك وخلاص اختار الايام عماله تعدي .. والدنيا بتاخد وبتدي بس ياريت طريقنا دا يهدي .. لسكه جنه موش للنار انا موش قادر اعيش في عذاب .. نفسي أعيش زي الاحباب قلبي يا عمري لسه شباب .. نفسه يكمل المشوار ************************** يالي عنيكي سر جمالك .. يالي النظره سحر دلالك رسمك وصفك راحه بالك ..يطمنو قلبي ليل ونهار ************************** انا خايف لىى العمر يضيع .. قبل الدنيا ما تبقي ربيع امتي هقول للدنيا وازيع .. ان انا عاشقك اني بحبك عمال احلم وبزيد شوق .. وارفع عيني وابص لفوق وادعي الله يرحم مخلوق .. كل مناه يسكن قلبك انا والله ما طلبي كبير ..ولا عايز من الدنيا كتير نفسي اكون من حقي اغير ..وافضل عايش عمري دا جنبك مهما بتبعدي مهما تطوفي .. ومهما بعادك يزرع خوفي منين ما بتيجي منين ما تروحي .. قلبي انا حبك قلبي انا حسك ************************** يالي عنيكي سر جمالك .. يالي النظره سحر دلالك رسمك وصفك راحه بالك ..يطمنو قلبي ليل ونهار ************************** مره تعدي وتغمزي غمزه.. ومره تبصي وتهمسي همسه طيب ليه بس القسوه .. انا مستغرب من دا الحال مره تليني ومره تشدي .. مره تبيني .مره تخبي انتي بتكرهي ولا تحبي ..انا عايش محتار البال انا موش عارف انا حيران ..انا عاشق وكمان ولهان هفضل عايش في الاحزان ..امتي الفرح يكون ميال الشباك قدام شباكك .. وانا قصدك فعلا من بابك امتي هتأذني لأغلي أحبابك ..ولا انا بحلم حلم خيال ************************** يالي عنيكي سر جمالك .. يالي النظره سحر دلالك رسمك وصفك راحه بالك ..يطمنو قلبي ليل ونهار ****************************
