عيني عليكي يا بلد عايش فيكي ومش عايش
و من ترابك اتبني جسمي وجسم اجدادي
قلولي مصري قولت مصري
يعني تراب وحجر ونيل فيه ميه
وكمان شمس وحريه
قلولي لا ده كان ايام ابو الهول يا عنيه
دلوقتي في ملك يحكم ومعاه شويه حرميه
سألوني
تحب تثور ونلملم الحرميه
ونجيب شمس في السما مع حبه حريه
تزرع وتقلع وكمان نصنع عربيه
قولت يا ريت عشان اعرف اكل مولخيه
رحنا
وهتفت وثورت عشان نخليها جمهوريه
وفعلاً جم وقلولي افرح وعيش في مصر الحريه
ومشيت سنين ومشي معاها زعيم الثوره الهولميه
بعد هزيمه في 67 وهميه
وجه زعيم الحرب المصريه
وعمل جيش جنوده قلوبهم من حجاره مصريه
وعمل حرب الخطه العبقريه
وفرحنا وقلنا رجعنا تاني قوه مصريه
ومشيت سنين ومشي تاني الزعيم

قالو لنا في نسر من نسور الحرب الخرفيه
خدوه رييس وتبقو كسبتو الحريه
فرحت وقولت خلاص اولادي هيشمو الحريه
بس يا خساره داسو علي اولادي وماتو قبل الحريه
عشت سنين بتالم ومش عارف مين قتل اولادي
عندو سلاح فتاك اسمه اعلام الهلاك
كل الوقت يتكلم بصوتي ويقتل كل افكاري
ارجع واسئل نفسي هو انا كلت المولخيه
وجه يوم وقالو تغيير عشان نرجع تاني بني ادمين
وراحو كلهم هناك في حته اسمها ايه اه التحرير
راحو كلهم وسبوني انا مع المولخيه
قالو ثوره اه ثوره بس من غير اذن التنيين
وانا قاعد انا وطبق الملوخيه
ومعانه طبعا الحجه بهانه اصل هي الي عمله الملوخيه
صحبه قناه الاحلام
خونه وراحو التحرير ومعاهم شويه زممير
يلي نروح بالعربيه ونموت الشله دهييه
وشويه وجت بهنه وزقت طبق المولخيه
وقالت هييي نجحت الثوره المصريه
عقلي تاه وتحير امبارح خطه لقتل الوحده الوطنيه
والنهارده هيي هي دي الامه المصريه
فرحت ومن غير ما افكر سلمت لبهانه دماغي
ورحت مع ناس في الشارع ننضف ونمسح ونطهر
وفرحه الامه المصريه والكل عجباه الامنيه
طهرنا ونضفنا كتير بس نسينا وقر التعابين
اعلامنا يا ناس هيموتنا  
وهنرجع تاني صرصير
لو حابيب تطهير طهر اعلامك
وارفع احلامك
يطلع علمك
ويظهر نسرك
وترجع مصري
سايق احلامك
احمد الحضري