يوم الجمعه نزلت دمعه من عين احلي بنات العالم من عين مصر هبت ريح مش ريح تغيير ولا ريح تصحيح زي تلات واربع وخميس من شاب جريح لا لا لا دي ريح تجريح من جهل فصيح ما بيعرفش الا انه يصيح او يركب موجه تدبيح دبحت عينك تسلم عينك ياعيون مصر يوم الجمعه نزلت دمعه من عين احلي بنات العالم من عين مصر ازاي من امته قولو لي في اي عصر جروا ولادك سيف الشر جرحو فيك وبكو عنيكي وهددوا فيك شريف او حر بكره ها يشرب كل حرامي بيسرق شرفك كاس المر الف سلامه عليك يا مصر بس استني لسه ولادك فيهم حب حب يعلم مليون شعب معني الصد لكره وكرب حب يهب يهب يهب ويكسر كل غلال الغلب شوفي ازاي بيموت مش هامه حالف فعلا يفدي بدمه مش بس ابوه واخواته وامه حالف فعلا يفدي بدمه حب ترابك 000 مات علي بابك 000 شايل همه0 الف سلامه عليك يامصر امسحي دمعك اقولك سر هيه سحابه صيف وتمر0 سليم منير 28/1/2011
