دوا للي حصانه جموح
يهد الروح
ويقلع توبها من فوق البدن بعناء
وبعض جروح
زمان العجز والتعجيز
ووقت الموت بلا اكفان ولا تغسيل
ولا فيه نوح
ولا فيه دم في المدبوح
____________________
متسالنيش
ماتنصحنيش
انا المسجون علي كفك
ولو حبيت اسيب صفك
رقبتي هاتنكسر مني
واشوف الدنيا بالمقلوب
واشوفك جايه من بكره
واموت وانا قصدي اني اعيش
ماتنصحنيش
_________________________________
اذا كنا
بنستني الطوفان بميعاد
نموت هانموت
اموت ليه بس دلوقتي   بخوف الموت
واشوفه وهو لسه ماجاش
ولا ليه صوت
وتتفرق أيدينا لايه ¿
مادام فيه لسه يوم يتعاش