تمثيليه وكل ما فيها اتحرق
من زمان عايشين عليها كلاب طريق لابسين ورق
جمهور ضعيف خايب كسول
مخنوق وملبوخ ف العرق
طلباته تكييف الحياه
علشان مشاهده ممتعه من غير قلق
وقبل ماينام اسمه ايه
يشتم شويه ويترمي ف الحلم
وكأنه الغرق
وينام علي لهب الفضول
ايه اللي بكره هايتسرق
مين اللي بكره هايتشنق
مين ابن مين بكره هايدخل ف السبق
والشمس تطلع فبركه
والصبح يجي بلا شفق
والخلق واقفه علي الرصيف شايف المسلسل في الطرق
واحد غريب يسأل غريب
عن حد من اهل البلد
يقوله كان فيه اسمه ايه
لكنه من غله اتخنق
