تنويعات

_(صبا)
ما بين قلبي وقلبك ليه
تلات عتبات ¿
وليه بتبات تفاصيلي
علي نظره وداع منك
علي ننك بشوف عمري كأنه ما فات
برغم الشيب
احس القلب من سنك..

_(نبوءه)
برغم الساعه بت تك تك
وتتفرتك معاها سنين
أنا عايش
ومستني مع ال عايشين
سمعت انك في أخر عمري هتعدي
علي عيني
وساعتها ..
هموت فيكي..

_(حصاد)
خليط من طين بلون بكره..
وتعويذه شجن..
مبدور..
ماطارح في الغيطان
غيرك
يا زرعه أرض مش بتبور
حصادك كان في صيف العمر
في المغرب
وانا ف وقت الخريف
بردان
يبان ف عنيه لون عودك
وفي وجودك بحس أمان
ولما اشتد بيا الخوف
طلع غصنك
في عود مكسور

(رقميه)
زيرو 12
جنب النمره
سبع أرقام
رنه
رنه
أخر رنه ف أخر فرصه من ال أيام
ردت
لكن أول صوتها ما عدي لقلبي
خلص الشحن

_( تفاؤل)
لما تحس الروح بتروح
اضحك اكتر
عض البسمه بطرف سنانك
ماتسيبهاش
فكر يمكن
لما تسيبها ف يوم هتكشر
ترجع تسأل عنها ويمكن
ماتلاقيهاش