دبحتيني..
سرقتي الفرحه من عمري وبعتيني..
ورغم ده كله يابلادي أسير حبك
وغير دربك ماليش تاني...
ياريت لو كنتي عايزاني..¿!
لكن قدري أحبك موت...وتبقي انت اللي كرهاني
عجيب أمرك...!!!
أقرب خطوتي منك تصديني..
واشد ف ايدك الخشنه تزقيني..
وتتهميني بالارهاب..¿
شوارعك كلها ضلمه قصاد عيني..
وميه نيلك الحلوه بتروي اغراب
لكن عندي بتتعكر ماترويني...¿!!!
ويدفا الغريب يابلادي بشموسك..
وبيبوسك
وانا اتلسوع بنار الكره والتغريب
كأني غريب...¿
برغم ان الغريب فيكي عزيز الدار