قوم يا مصري مصر دايماً بترازيك قول دي بلدك..قول دي أمك ولا حتي دي عايشه فيك في يوم حتصبح هتلاقيها بريئه منك بتعاديك طفحتك اللقمه..و الكلمه بقت بحساب فبدل الغني و المدح و الهتاف..أصبح كلامي عتاب ده المواطن اللي ساكن فوق ترابك..راح و خانك عيب ده فيكي ولا فيه شمتي الصهاينه فينا..و الشماته شيء..بنجاريه قيدتي الخوف ده بقلوبنا و اجبرتينا منقلش ليه هتك عرض في قسم شرطه ده اسمه ايه اسمه سلطه...اسمه عدل...ولا قانون يقتدي بيه ضرب أدي للوفاه قبل الادانه مات علي ايدين جلادين بقلوب جبانه اد ايه عندك يا مصر..رخيصه دمانا فلو حراسك جلادينك..من يومين..مين حمانا بات و عشش جوه قلبي الكره ليكي خلتيني أفرط فيكي..و انتö الامانه داحنا شعب ليكي ضحي و من قساوتك ياما عاني ذلتينا للغريب..و حملتي فوقنا الديون و يقولوا مصر عايشه عالاعانه يبقي ماتعاتبيش و ماتلوميش علينا لو لجأنا في يوم..للخيانه دبلت ورده أمن بلادك و انتي يا مصرساكنه و بايعه لحق ولادك دم المصري في ليله العيد كان بيسيل و بيروي ترابك ماتوا و راحوا بايدين حسادك و انتي ضعيفه و واقفه مكانك مين ربانبا..مين علمنا نكون فرسانك مين خلانا..نصحي نشيل الحمل بدالك قلبي عليكي يا هبه النيل قادوا النار في عروس البحر حضروا الخونه و زرعوا قنابل ماتوا كتير بنيران الغدر قمتي وضعتي ميت تفتيش لناس مظلومه و ناس مسكينه و الناس تعبت من التفكير مصر دي لينا ولا علينا فجروا فينا..رحنا نادينا قلنا يا مصر ده حرسك فين حرسك جم..قسيوا علينا طلعوا عيننا و عين اهالينا فقمت سألت..قلت انا مين هو انا مصري..ولا انا خاين ولا انا عايش بانتمائين جاوبي عليا و قولي يا مصر حبك لينا و امنك فين
