دبلوم صنايع
by Mohamed Korea Apoet on Sunday, March 14, 2010 at 8:07pm
أنا فعلا دبلوم صنايع
لكن حقي في الحياه ضايع
نفسي أتوظف صانع
أو عامل صغير في المصانع
أن شا الله أبقي مزارع
وللخير في الأرض زارع
طب حتي كناس في الشوارع
نفسي يبقي حد سامع
بدل منا عمال أهاتي وانازع
نفسي يبقي الحظ معايا طالع
وأبقي زي كرم جابر مصارع
بدل منا مع الظروف بصارع
مش أحسن ميقولوا عليا صايع
دنا حتي بصلي الفرض في الجامع
وللتبرع في سبيل الله جامع
وأستاذ في الشعر بلا منازع
علي رأي صاحبي أبو السباع
اللي خان صحبتنا وباع
ونشر خبر خيانته وذاع
قال بيكفر عن ذنبه بعد ما ضاع
نفسي أشوف ولو حتي شعاع
أفض بيه النزاع
بين الحقيقه والخداع
وأبقي صاحب رأي شجاع
وصوتي يوصل للناس عبر المذياع