لما يكون الحق عليك



لما أداري شويه عليك
ألقي عنيا تبوح لعنيك
ألقي إيديا تقول لإيديك
حتي النبض يحن إليك
مهما بتقسي قلبي بينسي
و القي الحق تماللي عليك
بس عنيا تشوفها عنيك
و اسمع منك
       و اسمع مني
        أرجع أصالحك
              .. .. .. و ازعل مني
مهما أحاول أبعد عنك
ألقي النبض ف قلبي ندهلك
و القي دموعي رويتها عنيك
و احضن شوقي و انادي عليك
بس عنيا تشوفها عنيك
و اسمع منك
     و اسمع مني
        أرجع أصالحك
           .. .. .. و ازعل مني
كل ما أحاول أهرب منك
ألقي تماللي إني و إنك
غنوه حروفها بيني و بينك
روح و انقسمت بيني و بينك
و القي الحق تماللي عليك
 بس عنيا تشوفها عنيك
و اسمع منك
     و اسمع مني
        أرجع أصالحك
           .. .. .. و ازعل مني