تنحي مبارك عن الحكم كان يوم مبارك عليك يا ميدان التحرير وعلي كل اللي زارك وحتي اللي مزاركش بقي فرحان بثوارك وكل العالم في الخريطه بقي بتدور علي مسارك وبقت في نظرهم كلهم أمير وبقت كل العيون بداعبك وبيتمنوا يقضوا ولو ساعه في ساحتك ويتنفسوا هوا الحريه من صراحتك ويحسوا بالعزه والكرامه من شجاعتك دا بسببك الكل عشق التغيير دا أنت بقيت المناره الجديده للعلم والحضاره ونورك كان دليلنا للخروج من المغاره ومخوفناش أبدا من هجومهم ولا من الغاره وجرئت قلبنا وضيعت من حلقنا المراره وأنا نفسي تقبلني عندك أنشاالله خفير بعد ما نزلت علي الظلم الستار وعلي رصيفك أتعلموا يعني أيه الحوار وكل دقيقه كان بيتولد واحد من الثوار ينادي بأعلي صوت ويقول أحرار يا فرحت شبابك بيك يا ميدان التحرير ودلوقتي كل اللي عاوز جاجه هيجيلك علطول وعمره ما هيمل المسافه مهما الطريق هيطول دي ساعه فرحه وميلاده هي ساعه الوصول مهوأنت بقيت التاريخ وأول درس في الفصول وسماك بقت براح وملاذ للطير وكل شهيد علي أرضك مات أكيد كان حاسس بالفخر قبل الممات واللي هو فيه دلوقتي أحسن من اللي فات مهو مفيش بعد الجنه أمنيات عشت ديما لينا فخرا يا ميدان التحرير
