من ديوان
في حب مصر
للشاعر
mohamed hussein
شمس الحقيقه والحريه طلعت يا مصر طلعت من جديد
بعد ما كان الظلم والفساد حاجبها عنك عمر مديد
وكان قافل علي عنينا وصوتنا وأيدينا بقيود من حديد,,,
وضيع مستقبل كل شبابك وحتي اللي لسه وليد,,,
وخلاكي تبكي عليهم من شده الوجع
لكن بعد ثوره 25 يناير ,,,
أنتهي عصر كل ظالم ومقامر,,,
كان مفكر أن طغيانه ملوش أخر,,,
والله انا دلوقتي من شكلهم ساخر,,,
ومن لكلامهم في يوم أستمع
ولازم دم شهدائنا ميرحوش هدر,,,
ولازم يتعاقب كل من جار عليهم وبيهم غدر,,,
وخلوا عنينا مليانه دموع والقلب من الحزن أنفطر,,,
وأنا عن نفسي هافضل أحارب فيكي وعمري ما همل السهر,,,
دنا في الجهاد فيكي عمري ما هحس بالشبع
ماهو لازم كل واحد فينا يخرج من خوفه,,,
واللي حصل أنا عمري ما أتوقعت أشوفه,,,
ومدام بقي واقع مش خيال يبقي لازم كلنا نبقي في أول صفوفه,,
وشبابنا الحر يصرخ ويحاول يخرج من دوامه ظروفه,,,
داولادك يا بلدي أصغر ما فيهم جدع
أنا صحيح مكنتش معاهم مشارك,,,
لكن طول عمري بقلمي بحاول أساند,,,
وكان عندي كتابات كتيره خايف أطلعها لاتاخد,,,
لكن دلوقتي قلمي بقي درعي ضد أي سهم شارد,,,
ومش هخاف من أي أجراء كان زمان متبع
ولسه لكلامي بقيه يامصر يا بهيه,,,
وأوعدك أنك مش هتفضلي كتير مستنيه,,,
داولادك علشانك مستعدين يبقوا شمسيه,,,
ضد مطر الظلم والطغيان ويزرعوا في أرضك جذور الحريه,,,
واللي يفكر يخرب فيكي هنخليه يعاني من الصرع
تحيا مصر
|
