قالوها ولادك
by Mohamed Korea Apoet on Friday, February 11, 2011 at 9:45pm
مصر قامت ومش هتعقد,,,
والطاغي خلاص مشي ومش هيقعد,,,
وعشان كلنا لربنا بندعي وبنعبد,,,
العقده خلاص فكت ومش هتعقد,,,
                    قالوها ولادك
الشعب يريد أسقاط النظام ,,,
وهنفضل محتجين معتصمين ومش هنام,,,
عشان تعرفوا أنا أحنا أدميين وتعاملونا بأحترام,,,
بعد ما ضيعتوا شبابنا ومحيتوا من علي الأبتسام,,,
                      قالوها ولادك
طلعنا ومش هنتراجع,,,,
ودور علي المصريين في كل المراجع,,,
واللي تسولوا نفسه أنه يبقي فينا طامع,,,
هنخليه مع الخوف في قلبه يصارع,,,
                      قالوها ولادك
لازم تهب رياح التغيير,,,
ويوم 25 كان الأول مش الأخير,,,
ومهما عملتوا فينا هيفضل فينا الخير,,,
ولو بصيت علي المظاهره هتلاقي كل الأطياف والأعمار وحتي الضرير,,,
                      قالوها ولادك
بيضحكوا علينا بتغيير الوزاره,,,
والله دا الكل ضحك حتي العيل في الحاره,,,
كفياكم بقي رمي الطعم في السناره,,,,
دا السمك أتعلم الدرس ومبقاش ياكل من أيديكم الغداره,,,
                      قالوها ولادك
تنحي مبارك هو دا اللي أحنا عاوزينه,,,
وخروجوا مهزوم ومكسور لازم يكون وصمه عار علي جبينه,,,
وكل لحظه ظلم دوقناها في عهده تدينه,,,
دا ما حدش يبقل كده في الدنيا حتي شرعه ودينه,,,
                        قالوها ولادك
من النهارده التاريخ هيفتح صفحه جديده,,,
أول سطر فيها شبابك يا مصر من نوعيه فريده,,,
من أول الميكانيكي والعامل البسيط لحد شباب مصر الجديده,,,
كلهم بيحملوا نفس الجنسيه والحريه والأراده الشديده,,,
                          قالوها ولادك
تحيا مصر ديما وأبدا,,,
وعمر الظلم ما هيعيش بينا أبدا,,,
ولا هنستسلم لظروفنا تاني أبدا,,,
وصوتنا هيفضل عالي وعمره ما هيتحبس جوانا تاني أبدا,,,
                            قالوها ولادك
كل شهيد ضحي بروحه علشانك,,,
وراح شبابه فدا حريتك وكرامتك وأفراحك,,,
دي أأفل حاجه يقدروا يقدموهالك,,,
ماأنتي في النهايه أمهم وهما ولادك,,,


                              تحيا مصر