تصدق
لا اكيد مش مصدق
حبيتها ولسه مش عارف
لو حاسه بيا
مشتاقه ليا
او كان قلبها عمره ما يعشق
تصدق
ان الحياه من غيرها ما تساوي
وان النظره منها بتشفي وتداوي
والاماني ببسمه منها تتحقق
تصدق
ان الحب اللي انا حبيته سنين
وقلبي اللي مليته شوق وحنين
ولو افرقه عالكون كله يتفرق
تصدق
كلمه خفت كتير اقولها
يا ريت نظرات عيوني يكونوا وصلولها
وعاللي في قلبي
وعن احلامي يحكولها
انا اللي هويت نجمه من السما
واعمل ايه علشان اطولها
ورغم اني عرفت العوم
في بحر عيونها انا بغرق
تصدق