ابقالك ايه ¿
جارتك حبيبتك صاحبتك
مجرد تسالي في وحدتك
جاوبني طمني قوللي
ووضعنا ده يبقي ايه ¿
حب ولا كلام في الهوا
طب لو كلام بتقولوا ليه ¿
ابقالك ايه ¿
لما زمان كنا سوا
لمست ايدي
خليت الدم يهرب
من وريدي
ولمحت كلمه بين شفايفك
بتقول لنار الشوق
جوايا قيدي
دا يوم لقانا بيبقي عيدي
لو قلت كلمه
بقول في سري
كمان يا سيدي
كان حب ولا اتخيلت بيه
ابقالك ايه ¿
لو كان هوايا
ما يليقشي بيك
او شفت غيري
لايقه عليك
بتحس اكتر مني بيك
بتحن اكتر مني ليك
تقتلها كلمه من شفايفك
تحييها نظره من عنيك
طب روحلها مستني ايه ¿
اما انا خلاص عرفت
ابقالك ايه