ضعفت ليه من تاني يا قلبي
هو هواك غلبك
ولا انت غاوي عذاب
حبيت ولما وفيت في الحب
طلع الحبيب كداب
ظلمتني وياك وظلم الحبيب
في الحب نار
خلتني ادوب في هواك
ودايما معاك محتار
ابعد ياقلبي خلاص
بدلت جنه بنار
هو انت ليه حبيت
ولا الهوي غلاب
ولا هواك غلبك
ولا انت غاوي عذاب
انا كنت اقول
ع الحب انه جميل
وكنت لما اوصفه
الورد غصنه يميل
ويقول كمان والنبي
سمعني فيه مواويل
دا اللي تقوله في يوم
يتقال في عمر طويل
ولما قلبي هوي
و شرب من الشوق وارتوي
وداق من النار واكتوي
حبيبي فاتنا سوي
ولا فاتلي حتي جواب
ورجعت اقول
يا قلبي ياللي داب
هو هواك غلبك
ولا انت غاوي عذاب