أم العيون السود
والرمش كحال
والقلب من عشقها
قال في الهوي موال
حبك قدر مكتوب
ولا كان خاطرلي ف بال
حيرني غير دنيتي
وخلي حالتي حال
خلي النهار في ثواني
والليالي سنين طوال
وبقت النجوم صاحبتي
والقمر لقلبي خال
أم العيون السود
والرمش كحال
أم أجمل عود
سبحانه من صور
ووردتين علي الخد
يا بدر يا منور
وشعرك المفرود
وكلامك السكر
ورمشك الفتان
وشفايفك المرمر
لو اوصفك في سنين
أتمني أقول أكتر
أنا اللي قلبي صبر
لكنه برده نال
أم العيون السود
والرمش كحال
أم أجمل قد
ولا فيه في حسنك حد
ولو يعدوا خصالك
ما يبطلوا في العد
وضحكتك موزونه
والجد عندك جد
والحسن لو يتفرق
في الاصل ليكي ارتد
أنا اللي عاشق رقتك
وأنا اللي قلبي مال
لأم العيون السود
والرمش كحال