في ليله ميلاد عام جديد
اللي بتبقي عند الكل عيد
وكلنا بيبقي سهران اكيد
مسلم ومسيحي بيبقي سعيد
الاب والام والابن و الحفيد
ده يوم في السنه فريد
بنسميه عيد الميلاد المجيد
ليه فيه نبدل الفرحه بصرخه
ليه نقتل روح المحبه في طفله
ليه نيتم ليه نشرد اسره في لحظه
ايه ذنبهم ¿
هل إنهم نصاري¿.. ده دينهم!
وبيعترف الاسلام   بهم , وبغيرهم
أيه ذنبهم ¿ هل لأنهم
بيتشاركوا الفرحه في بيت ربهم
أيه جرمهم ¿ هل لأنهم
اتجمعوا في الكنيسه بأسرهم
ما احنا كمان بنتجمع نصلي العيد
ومعانا اسرنا واولادنا اكيد
في الشوارع في المساجد
من اسكندريه للصعيد  
والله يا شيطان ,, ياسلاله الجان
ان كنت عايش وللا ميت انت واللي معاك كمان
عمرك ما تورد علي جنه, عمرك ما تكون إنسان
,,, والله ولا تحصل حتي أنجس حيوان