ياريتني ياناس ما اتجوزت
وقعدت ف البيت جنب امي
اديني بقيت جوز الست
ومحدش بيشيل همي
دايما ف البيت بشيل وبحط
لما انكسرت ايدي ورجلي
ايه ياستي انتي متجوزه عتال
ده انا كنت زمان زينه الرجال
ومش هقولك بقه ع الطلبات
كل اما تشوفني تقولي هات
جبت البزازه للبت شكلك نسيت البهارات
واجي ياعمي اكلمها كلام حب
تقولي قوم عشي العيال
ياستي هو الحب اتركن علي حنب
تقولي ياحبيبي انت علي طول ع البال
اه علي بالها لما تبعتني مشوار
وابقي حبيبها ليل ونها
واما ارفض اروح تكويني بالنار
طب ياعم متفكك منها وتطلقها
يابيه طب ومؤخر صداقها
ده انا كاتب مؤخر بالشء الفلاني
كنت عامل فيها عنتر زماني
اصحي ياعم ومتنمش مني
انا لسه هقول وهطول
لسه في بلاوي عني
ده انا لسه يادوب ف الاول
اعرفك بقه علي حماتي
ده منكده عليا حياتي
حماتي دي ياسيدي قضيه
عندها خطط متخرش الميه
المهم عندها الفلوس
فاكراني طالع م الفانوس
بصيت علي جاري وحاله عجبني
ماشي ف الشارع ملو هدومه
قلت اساله جايز يفيدني
كان رايح يصلي مقدرتش الومه
واحد طبعا ييجي يسالني
طب وانت ياعم مرحتش ليه
والله مش عارف انا ايه اصابني
الشيطان غاواني مقدرتش عليه
هو ده الفرق بين جاري وبيني
هو بيصلي وانا بعت ديني
