انترو
انا اتعلمت علشانك اقول مواويل..وغنيتلك حروف اسمك بلحن جميل
واغني واقول هتسمعلي اكيد موال..وتعرف حبي وانا بصرخ يا عيني يا ليل
سنيو
رميت نفسي في وسط النار..واتعلمت اقول اشعار
غلبت بشعري ليكي نزار..والابنودي في المقادير
كوبليه
لقيت الوصف مش كافي..يادوب بكلام
رسمت جمالك الصافي..وبقيت رسام
وصفت في رسمي نظراتك..كلامك كله وسكاتك
تعالي وشوفي لوحاتك..هتحسي اني فيا غرام
كوبليه
وعشان احس بوجودك..بقيت نحات
افصل من الحجر عودك..واغازله سعات
وقعت في حب تمثالك..وانا مش جاي علي بالك
ولسه كتير علشانك..هتعلم حجات وحجات