ليه كل يوم مسئول يقول في بلدنا مفيش بطاله
امال زباين القهوه دول ازاي عايشين عواله
بقا حلم اي شب فينا الشقه والجواز
والنت تستني العريس لما يبوظ الجهاز
ولو شكينا للحكومه يقولو انتو السبب
الشغل مالي الدنيا وانتو اللي ماليكو الغضب
ازاي بقا نحب البلد واحنا فيها الحثاله
انا قولت لما ارمي الشهاده واشوف شغل وخلاص
نزلت موقف منطقتنا وسوقت انا ميكرو باص
لقيت كمين علي خط سيري اللي شغال عليه
امين طلع همس في ودني وقاللي ظروفك ايه
لو كنت مش عايز مخالفه قب بخمسين جنيه
وازي بقا هكسر جنيه لا والهي استحاله
ادام حارتنا في قهوه بلدي صحابها يعرفوني
قالولي يا ابني تعالي خبط ووافقو يشغلوني
اللي كان حازز في نفسي امل اهلي يخيب
اخرتها اقدم شاي وقهوه وحلبه بالحليب
لا واللي ادها من ده كله واللي يا ناس عجيب
كل اما تنزل الحكومه ع القسم يجرجروني