كنت بحلم اني اعيش..ودنيتي ما تهدنيش
بس ده طبع الحياه..للمحتاجين مابتديش
كان نفسي اقول للي انا حبيتها..بقلب جامد ماتخفيش
يارتها ما حبتني ياريتها..فاقد الشيء مابيديش
والحلم للي ظروفه صعبه في الزمن ده مايكفيش
كنت فاكر اني هقدر..لما كنت صغير اكبر
وكبرت ما عرفتش انام..من كتر ما في بكره بفكر
حاولت اعيش اليوم بيومه..واقول زماني مايهمنيش
حبيت زماني وبطلت الومه..لقيت زماني ماحبنيش
وعرفت ان الحلم للي ظروفه صعبه في الزمن ده مايكفيش
جربت اهرب من زماني..قفلت علي روحي بيباني
لقتني واقف والدنيا ماشيه..لاساله فيا ولا معبراني