خالفته انا في طاعته..في رزقي ما خالفنيش
وعيش طول عمري..بعصاه ومابصليش
ورغم كل ذنوبي..من نعمه ماحرامنيش
وبرغم عصياني..دعيته لباني
ورجعتلو تايب قبلني مارفضنيش
خفت اما اموت يااله..من ويل وعدتنا بيه
ومقام رسول الله..عبدك تحن عليه
صحيح انا عصيتك..لكني جيت بيتك
ندمت علي ذنبي..يارب ذنبي امحيه
ورزقت دود في الحجر..وزهو في رمل جبال
ورزقت نمل وشجر ..من غير شقا وترحال
يارب قويني..ثبتني علي ديني
انا توبت عن ذنبي ثبتني علي ده الحال
