ماتجبرونيش..اعيش دنيا ما حبتهاش ماتلزمنيش
ماتجبرونيش..اعيش مع ناس لو اتكلم ما تسمعنيش
سيبوني اختار طريقي لوحدي وبراحتي
سيبوني اخد قرار مره في مصلحتي
سيبوني اقول ده يعجبني..سيبوني اقول ده يتعبني
سيبوني اقول ما يعجبنيش
ماتجبرونيش
ماتجبرونيش اعيش جوه حدود نفسي
ماتجبرونيش يكون قلبي وحيد منسي
سيبوني اغلط ومن غلطي انا اتعلم
سيبوني اختار ولو غلطان انا اتالم
سيبوني في مره انا اللي اختار..اعيش في الجنه ولا النار
سيبوني في مره انا لوحدي اللي اتكلم
ماتجبرونيش
ماتجبرونيش اعيش عمري اللي جاي ندمان
ماتجبرونيش اعيش دنيا ناقصها حنان
سيبوني اعيش مع اللي ارتحلو واختارو
سيبوني امشي مع اللي اختارو مشوارو
ياريت لو حد يفهمني..بلاش علي حاجه يجبرني
ماتجبرونيش علي توهتي وعلي الاحزان
ماتجبرونيش