براحتي اعشقها..براحتي مااعشقهاش
انا بس اعرفها ..انتو ماتعرفوهاش
هيه الحنان..هيه الامان..هيه اللي جاي ..هيه اللي كان
هيه القمر..هيه السهر..هيه الربيع..ورد الشجر
واظلمها لو هوصف كمان
لو تبعد ثانيه..بتبقي الدنيا ..حرام تتعاش من بعديها
دي هواها جوايا..وبتبقا معايا..واشتاق لكلامها ولعنيها
معقوله النظره اللي حاسسها بتحضن قلبي
معقوله حبيبتي اللي شايفها ترضي بتعبي
ولو حتي هترضي بجروحي..جروحها هتبقا دوا لروحي
وهتبقا جروح قلبي حاببها
حبها ده ابتدا..قبل ما اكون كدا..وانا لسه في اول ايامي
وكتير مجانين..فيها ودايبين..ولا دابت الا في كلامي
هيه حبيبتي واختي وامي وكل اصحابي
هيه الدنيا وكل مافيها وكل احبابي
ولا حاجه في غيرها ومش فيها..ولا في في الكون زي عنيها
هيه الاحساس اللي عشقته وهيه غرامي