من اول الحكايه وانا فاهم انتى ايه
شيطان عامل ملاك الناس قالولى عليه
راهنت عليكى نفسى انى هقدر اغيرك
واخلى اى حد عرفك قبلى يفكرك
واحده تانيه غيرك اتولدت من جديد
كان نفسى تقوى بيا ما حدش يكسرك
وفى يوم وليله قلبى صدق انك خلاص
لا عيشتى قبلى دنيا ولا قبلى عرفتى ناس
علقت قلبى بيكى مابقاش منك مفر
قلبى بقا ملك ليكى مابقاش فى نفسه حر
ورجعتى شيطانه تانى ونسيتى انك ملاك
ورجعت تانى افكر حبك خير ولا شر