جيت متاخر..بعد ما حبك مات جوايا وداب واتبخر
جيت متاخر..جيت تحكيلي في اي كلام وعايزني اتئثر
شايف دمعك نازل يكوي زي النار
شايف قلبك جاي يتوسل جاي محتار
مش هسمعلك مهما حاولت تقول اعذار
قلبك لو كان قدر قلبي...كان دلوقتي زمانه اتقدر
جيت متاخر
جاي وفاكرني ماتعلمتش م الاحزان
جاي وفاكرني بقلبي الطيب زي زمان
انا لو اسي الاسوه اتعلمتها باديك
اجني اللي انت زرعته في قلبي وشوف بعنيك
تلميذ علمته في مدرستك يجرح فيك
جرح الناس كان صعب عليا...واتعلمت علي اديك اغدر
جيت متاخر
تعرف ايه مخليني كرهتك واما افتكره بكون تعبان
مات علي ايدك قلبي الطيب مات احساسي ان انا انسان
جاي تستنجد باللي دبحته وجاي تشكيلو
جاي تستعطف واحد مات م الغدر ضميره
جاي تتحامي في حضن قفلته ورحت لغيره
لوم علي قلبك عاتب فيه...ماهو كان سبب ان انا متغير
جيت متاخر