أه صريحىىىىىىىىىىىىىىىىىىىىىىىىىىىىىىه مرهونه أحلام الغلابه بكام رغيف علي قدها وهدوم بتستر عرضها من خسه الجوع والسنين وحيفان فرح كان لسه ساكن فوق شفايف دبلانين والباقي من عرق العنين والخوف ملازم قلبهم.......... من غلبهم ....ما بيعرفوش غير الانين متبحترين جوه الوجع بين الرحايه والبيوت معمول حسابهم في السكوت ما فيهومش حد اختار يموت شيلُاه يا سيدنا العنكبوت ما بقاش حيلتهم غير أسامي عاشت اسامي ماتت أسامي عشاق أغاني لانكسار والذل مبقاش في حيطه في الزمن ده تبقي سنده وليها ضل وماعادش غير سوس الخلايق والغراب ۔ بينادي حيُ علي الخراب ليه عشمانين المر يولد غير مرار ليه لسه فاكرين الحمار بيجيب اسد الحمار هيجيب حمار ليه لسه غاويين الحصار ليه لسه هتفاوضوا التتار ليه لسه مش قادرين تقولوا الأه أه أه أه صريحه يتولد فيها النهار يتولد بيها النهار يتولد ليها النهار
