كأني لسه مستني القمر يطلع
وينور لي حياتي معاك
كأني لسه بتهجي حروف الحب من الاول
وبتعلم
اقول الشعر من الاول
وطيفك فوق جبيني ملاك
كأني طفل بيدور علي طعم الدفا والشوق
وبيلملم فرحته بلقاك
كأني في عز عز الضلمه
بتعلق علي رموشك كما القنديل
وبغزل من عيونك ضوء
ينور دنيتي بهواك
كأني بدوق لأول مره طعم الفرحه
وبستطعم سحرها وياك
كأني بحس بإن قلبي اللي انخطف مني
في ساعه حظ
بينبض ليك وجواك
كأني بعوم في بحر الحب
من تاني
وحاسس اني فيك غرقان
وبتعلق في قش هواك
