أنا ولا ُمين ¿!!
                                              إلي الراحل : صديقي

لساك بتحلم وسط خوفك
راضي قلبك بالقليل
لساك جميل
لساك وإحساسك برئ
لساك   كما الفارس جرئ
راكب المهره الغلط
لساكب تنزل للغويط
لساك وحلمك كان عبيط
لساك أصيل
لساك بتحلم زينا بىى (صوت النخيل) ¿
من عمر ما عرفتك وانا
باتمني اقاسمك صرختك
باتمني أرد بصوت مشاعرك
ع اللي فكىُر مره يخطف
من عيونك فرحتك
باتمني   ما انت اللي نوي
يجمعنا حلم يلمنا
نحكيه ونحلم بيه سوا
نرويه
ويكبر ف الهوا
لكن رحلت وسبتنا
وسط الطريق
وتركت فجوه ما سدها
غيرك رفيق
.. وتركتني لوحدي هنا
شاعر بقالي ميت سنه
عطشان بيحلب سوسنه !!
ولبنها مر
عشمان يحقق حلم حر
طمعان يموت زيك شهيد
وف قلبه سر
ميعرفوش غير ناس قليله
ما يفهموش غير ناس نبيله
قلبهم علي قلب بعض
.....................
إستني لما أبلع فراقك
أودعك
ما أنت الصديق
مش أي حد
ما انت الصديق
اللو نوي يقرب بجد
كان بينا وعد
لكن مجدافي انكسر
لما إنت رحت
وفضلت أنا لوحدي
غريب
مستني يوم
يمكن تزورني
وتقوللي مين اختار يموت
ويكمل الحلم ف سكوت
أنا ولا مين ¿!!!!