معني الوجع
نقطه عرق
من بين صوابعي اتسرسبت
علي كوم ورق
عملت علامه ..
دايره وسْعت م القلق
نزلت وشقت ألف صفحه
وألف يوم من غير شفق
نقطه عرق
رسمت إمام الأبجديه اللي إنحرق
من حرقه الدمعه الدفينه
واللي شقت بيها
تحت العين نفق
نقطه عرق
لافت علي دمعي الممرر
واللي أشرف علي الغرق
سالت ونزلت من جبيني
لتحت عيني لحد حلقي ما شرق
فلقيتني بصرخ غصب عني
وغصب عني
ساعتها نزلت من عيوني
النقطه دم
فكملت معني الوجع
كملت معني الوجع

شعر / ايهاب وفا