حلوك لمين يا بلد مين اللي قال يا بلد نايمه مع النايمين من عهد أحمس ومينا .. والجميع شاهدين إنك أبيه يابلد مهما تمر سنين ليه السكوت يا بلد الحاله صبحت طين عايزه زعامه قطز ولا صلاح الدين يكونشي نيلك حود علي شعب ناس تانيين ولا ترابك سبخ ما يعرف الحلوين حلوك لمين يا بلد دقنا المرار سنين قالت كفايه عبث هو انتي تطلع مين علشان تلوم البلد وتفرح الشامتين قلتلها شاعر غبي عاشقك بقاله سنين سبتي الفساد يا بلد وقدرتي عل المسكين دا الظلم عم البلد وتفرقوا الملايين ما بين حرامي غلط أصبح من الواصلين وبين فقير م الغلط تايه مع التايهين حتي الضمير انعدم ماشي مع الماشيين زاد الفساد وانتشر لكني أشكي لمين يحميكي رب أنا .....قولي إلاهي أمين الشاعر/ محمدالغندور/ كفر الحمام الزقازيق/مصر
