ياحمام مرفرف في السما مالك حزين
ساكت وهمك ملحمه دايره ف نظره عين
ايه اللي ضيع بسمتك ايه توهها سنين
ليه كل مااجي ابصلك القي عيون تنزف حنين
والقي بحور الشوق بتجري ماليه عروق قلبك انين
ياطير بياض لونه ف قلبه مرتين
فضفض واقول احكليي يامسكين
رد السؤال بجواب بسيط قالي عليه ف كلمتين
انا شكوتي للي خلقني الهي رب العالمين
ظلم ابن ادم لاخوه دبحني مرر ف حلقي طعم السنين
ليه بينسي اصله كان ميه بتراب والاسم طين
ليه بيسرق ليه بينهب ليه بياكل مال غلابه طيبين
ليه بيعمي ع الحقيقه ليه يصدق كدابين
احكي واقول علي بس ايه واشكي حالكم ده لمين
دا الشكوي لغير الله مذله وكمان هوان ومعاها شين