مرسومه صوره من ورق شفاف
وفيها بلدي محطوطه ع الغلاف
وجندي صانها .. رجع ترابها ... عمًر قنالها
شايل سلاحه وعمره ماخاف
مرسومه صوره .. مرسومه بلدي
زي العروسه في ليله زفاف .....
في الصوره رسمه علي جبينها
وفيها ولدي قايم يغنيلها
غنوه صباح هيجي بكره ويبنيلها
علم وحياه وينشد مواويلها
ماهو ولدي برضه , شايل في دمه
كرات الدم من نيلها
مرسومه صوره ,مرسومه بلدي ومعاها ولدي
حالف ليبني في   شمسها عمره
واحلامها يهديلها ....
والصوره طبعا ياحبيبتي ليكي بالالوان
ازرق واخضر ووردي فيكي كمان
ازرق سماكي في حضنها تضمني بحنان
اخضر زروعك بعمرها كبرتني زمان
ووردي لونك وبحلمها عشت انا انسان
سمعني واحد قالي اصحي يافنان
دا حلم ولا هيا تخاريف زمان
دا كلام تقوله دا والله عمره ماكان
قلتله لا .. دا عشقي ليها
رسم صورتها بالالوان
وفيها قلبي طاير يغني
يعزف بحلمه اجمل الالحان
يقول وينشد ...
مرسومه صوره .. مرسومه بلدي
وفيها عمري اهديهولها كمان