صحاب زمان

راحت أيام زمان . أيام صحاب الأمان
صحاب الطيبه والحنان . صحاب الشده في كل أن
عمري ماهلاقي منهم . ولاعمري هحب زيهم
كنا بنخاف علي بعضنا . بنحب بعض كلنا
أنا عندي كتير من الامنيات . ان أرجع وأفتكر الذكريات
بشكر الأيام اللي جمعتنا . وبحزن من الأيام اللي فرقتنا
والله أنا فكراكم علي طول . لأن انتوا فعلا ولاد أصول
أتمني نرجع تاني . لو حتي دقايق وثواني
والله هفضل أحبكم . وأكيد هفضل أعزكم
لو حد سألني عنكم . بقولهم دول أحسن منكم
انتوا فعلا أجدع ناس . أحسن من كل الأجناس
يااارب يجمع شملنا . نفرح ونضحك كلنا
يااارب دايما اجمعنا . وعن كل شر امنعنا
بس بجد انتوا وحشتوني . وأتمني تكونوا مانستوني
كل الكلام ده هديه ليكم . علشان تعرفوا اني بحبكم وبموت فيكم


                        تأليف : ماجي مجدي