حياه الجامعه !!!! يعني ايه حياه الجامعه. نفسي الناس كلها تكون سامعه الولاد والبنات. الشباب والشابات احنا المفروض رايحين نتعلم. والله احنا مش رايحين نتكلم ليه عاملين في نفسكم كده. ياتري انتوا كده في موضع رضا اكيد انتوا كده مش راضين. ولاحتي اكيد مبسوطين نفسي اقول لكل البنات . الشابات والفتيايات خليكي وقوره وعفيفه. خليكي محترمه وشريفه بلاش تصدقي اي كلام . بلاش تعيشي في الاوهام كل ده ضحك عليكي . صدقيني دي تسليه بيكي ممكن تلاقيه بيكلمك . وفجأه تلاقيه بيشتمك ليه بتأخدي حد عليكي. ليه بتخليه يستقل بيكي ليه بتقللي من كرامتك . علشان تبيني شهامتك حافظي شويه علي نفسك. وبلاش تعملي كل اللي في نفسك انتي عارفه ان كل ده حقيقي . بس بتقولي لنفسك عادي ده صديقي بتعدي دايما حاجات كتير . وفي الاخر هتحسي بمرير يا بنات حرام عليكوا . خافوا شويه علي اهليكوا لو كل البنات بقت جد . الولاد عمرها ماهتكلم حد حتي انتوا يا شباب . افتكروا ان في يوم حساب يوم ربنا هيسألك فيه . عملت فيهم كده ليه يوم كله نار وجحيم . يوم فيه عذاب أليم في الوقت ده هتقدر تقول . قدام كل الناس والجمهور يااااريتني ماحبيت البنات . ياااريت اقدر اعوض اللي فات كنتوا عارفين ان ده حرام . ولسه برده بتكملوا كلام لوأهليكم مش شايفين . فخافوا من رب العالمين والله الجامعه دي هلاك . كنا فاكرين انها ملاك والله الواحد بيشوف مناظر . بيسكت عنها ويفضل كاظم بس بجد العيب مش عليكوا . العيب في الشيطان اللي بيغويكوا بلاش الوقت يسرقوا . بلاش الفرحه تخطفقوا ممكن تعيشوا حياه جليله . حياه محترمه وبرده جميله ده اختبار من ربنا . لازم ننجح فيه كلنا لازم نغير من نفسنا . ولازم ننصح بعضنا عايزين نبدأحياه جديده . حياه سعيده حياه مديده علشان ربنا يرضي عننا . والبركه تدخل وسطنا ونجيب تقدير كلنا . نفرح ونفرح اهلنا تأليف: ماجي مجدي
