قصيده ايوه بغىىىىىىىىىير للشاعر المصري الصعيدي هشام الجخ
القاها في برنامج العاشره مساء للمتألقه دوما مني الشاذلي
يقول الشاعر هشام باسلوب نال اعجاب مني شاذلي حين قالت كلما باسمع قصيده ايوه باغير وكاني باسمعها لاول مره وذلك   لطريقه الالقاء الختلفه في كل مره .

أيوه بغير

لا انا نقصان ولا ضعفان
ولا مسطول ولا سكران
ولا زايغ من عيني الضيُ
ولا حد احسن مني في شيُ
بس بغير

واللي قالولك غيره الراجل قöلُه ثقه او قله فْهم
خْلٔق حمير

غيره الراجل نار في مْرْاجöل
نار بتنوُر مابتحرقش
واحنا صعايده بنستحملش
شمسنا حاميه وعöرٔقنا حامي وطبعنا حامي
واللي تخلُي صعيدي يحبها
يبقي يا غٓلٔبها
اصلنا ناس علي قد الطيبه
كلنا هيبه
والنسوان في بلادنا جواهر
طب لو عندك حته ماس
حتخلُيها مداس للناس¿¿
ولا حتقفلي اوضه عليها بميت ترباس
يمكن حتي تأجري ليها جوزين حراس
يبقي انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسله متدلدله خرزه وقلب
بس ازاي البس لك سلسله ¿¿ هو انا كلب ¿¿

ثم العبره ماهيش في اللبس
اصل المشكله عْندك .. عٰندك ..
قلت حاسيبها وبكره تحس
بعده تحس
بعده تحس
ده انا لو جبس كنت زعقت
ماشي صداقه وماشي زماله
بس ماجْتٔش علي الرجاله

ماهي نسوان الدنيا كتير
وانا ما بقولش تخاصمي الناس
ولا تöتٔحöجبي عن الرجاله
ولا تعتكفي وتسكني دير
بس يا ريت حبه تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود علي جيدك
واني تعبت من التفكير
واني بغير