بـــــــــص ..... شــــــــوف
 
بص .... شوف              الكورة بتعمل إيه
من حقك تعشق نادى        و تكون فــــ هتافك هادى
و تألف له أغانى             و تتمنى له أمانى
لو يكسب ، مية مبروك     لو يخسر تزعل ليه
و تزعق و تقول هيه
بص .... شوف              الكورة بتعمل إيه
على كيفك شجع و افرح    إياك تضايقنى و تجرح
و تقول ع الفرقه التانية     ما يجوش ف الدرجة التانية
ليه نزعل مع بعضينا       و نخاصم نفسنا ليه
و تزعق و نقول هيه
بص .... شوف              الكورة بتعمل إيه
لو نعشق بس الكورة        نتعلم كل فنونها
و نشجع اللى يصونها       و نخاضم اللى يخونها
لو كان لعيب و أنانى        الحق حيبقى عليه
لو زعق لو قال هيه
بص .... شوف              الكورة بتعمل إيه