يالله مع الأحلام نجرى قوام و نروح
يالله مع الأنغام ع الشط فى مطروح
يالله على مطروح
هلت بشاير الصيف و الموجه بتنادى
أحلام بلون الطيف على شطنا الهادى
و الشمس تيجى تطل من بعد طول غيبه
طرحه عيدان الفل ع الشط يا عجيبه
يالله على مطروح
ضمينى فى حضنك أتملى من قربك
أمشى على شطك و أشوف على رملك
صخره هناك بتحب و الموجه هاديه تشب
و القلب فيك يطوف و الناس معانا ألوف
يالله على مطروح
يا شط خير و سلام صوتك ينادينا
ف الصيف و عام ورا عام جايين لوحدينا
ع الرمل نبنى قصور تسكنها أحلامنا
تملا عيونا سور يا أحلى أيامنا
يالله على مطروح