ضميرك مات وغطاه الكفن
وقلبك جواك۔ جواه العفن
حبيبك... ياحبيبي كان انا
لكن خلاص حبي ليك
مات واندفن
الله لا يسامحك ياللي لحظه
فكرت تبيع الحب بثمن
الله لا يسامحك ياللي مره
اثر في حبك مرور الزمن
بعدك عني والفراق
مش دي نهايه الحياه
ولا منتهي الالم
ولا الندم
ولا حتي في جراح
بتعيش في العدم
وصدقيني
صدقيني
مبقاش ليكي ف حياتي
موضع قدم
والاهم
من كل دا
ملكيش كمان ف ذكرياتي
مكان
دا كان زمن
وبامانه انا بحمد ربنا
خلصني من ايدك
وبقيت سيدك
علي ايدك
بكاكي مش هيفيدك
نداكي مش هيفيدك
اصلك مفيش
مفيش   اصل
اصل الحكايه ماعندكيش اصل
ومن غير لا اصل ولا فصل
المسرحيه انتهت
والبطل فيها كانت الخيانه
وكنتي فيها انت الجبانه
وضميرك ملياه العفانه
بس بامانه
عجبتني فيكي حاجه واحده
طريقه الخيانه

تاليف /محمد عواد الديب