أنا أول واحد
فى الدرج أتحط
كانت بضفيره طويله البت
و الواد كان شنبه
كمان بيخط
الكحلي عليها
و الكحل مرشرش
فىى عينيها
بيدفي اللب السوبر
بالذات فىى أواخر أكتوبر
لما المطره ترخ
و العربيه بتدهس ميه
علينا تبخ
ناعمه أيديها
أنا دابت أوراقي
فى أيديها
و الواد دوب
عينه فىى عينيها
و تانينا
عقد الفل
علي كوبري قصر النيل
من بس يدوب سنتين
فىى ليله صيف من شهر
يوليو
الواد بنص كم
و عينيه مش شايفه
الهم
أتلم يا فرح أتلم
والبت
كمان مش شايفه الجرح
مش عارفه الغم
(يا عود قرنفل ما تقول حكايتك)
(حاضر يا عم ياسمين عينيه)
من جنينه الحريه
أتقطفت
كنت هديه
و يدوب بصيت فىى عينيها
اتخطفت
و اتمشينا لحد البرج
و نهيتي أتحطيت فىى الدرج
وسط الصحاب
و كان معانا
ورده حمرا
قعدت يوم ...... و تاني يوم
اتحطت فىى كتاب
كانت البنيه فرحانه بيها
من فرحتها
عرفنا - صحيح الهوي غلاب –
تىىىىىىىىىىىىىىىىىك
دا بايين جيلنا ضيف
يا عم ياسمين هوه فيه مكان
معلش يا أخونا نشيل بعض أصلها أزمه صيف
أسم الكريم¿
أنا عود ريحان
