نقول في القصيده :-

معقوله تبعد ياغالي ... وماتدزش حتي مرسال

تخبرني عن حالك فيه... تطمني ويروق البال

مخليني بعدك مشغول ... صابر ماعنديش حلول

قلبي مالفرقه معلول ... مداير من حزنه موال



معقوله تنسي غاليك ... وتبعد ماتبيني انجيك

باعدت عليا مرافيك ... وبيش نوصل عندك موحال

معقوله ماتسأل عني ... ولاتدز جواب يطمني

تحسابه بالي متهني .... أوجاعي تساطر مازال



معقوله تقوللي ننساك ... شاقي وانت يزيد هناك

وقلبي اللي يتمني رضاك ... يتوجع ماعنه تسال

مجافيه وخليته وراك ... تكافيه بقسوه وهلاك

وهو راسملك شكل ملاك ... ونجمه تعلي ماتنطال



معقوله تبعد ياغالي ... وماتدزش حتي مرسال ¿¿